Господи Иисусе Христе Боже наш, создавый на земли Церковь Твою святую, собравый ю, яко избранное стадо Твое, возлюбивый ю и стяжавый честною Твоею Кровию! Благоволил еси от лет древних ввести в ню отцы нашя, и, яко ветвь великаго древа, вселенную всю покрывающаго, растяше и процветаше Церковь Российская и благодатным осенением своим и отечество наше в державу велию укрепляше. Но се явишася врази Церкве, неверием,омраченные, иже не хощут, да людие Российстии в союз с материю своею духовною,— Церковию, земное житие свое преходят. Паче же сего,—собрашася тии на Тя и на Церковь Твою во еже гнати ю и утесняти всяцем, и духовным, и телесным, утеснением. Реша не токмо в сердце, но и усты своими: приидите и отставим вся праздники Божия от земли.
Отмещут вся таинства и священнодействия церковная и усопших своих вез молитвы и пения церковнаго земли предают. Чадом нашим ко отметание словаТвоего, еже рекл еси о детех, возбраняют к Тебе приходити, слово Твое слышати, в здконе Твоем поучатися. Архиереи и священники Твоя извивают, на Крест Твой и иконы святыя мечем вооружаются. Намерение имут, якоже древнии языцы, прийти в достояние Твое, святыни нашя разоряти, домы Твои, имже подобает святыня в долготу дннй, оскверняти и яко овощная и иная житейская хранилища полагати. Сия и подобная замышляют и уже творити начинают, и того ради зрим ныне Церковь Твою святую, аки на распятие ведому...
Ты же Сам, Господи, — веруем и исповедуем,—яко добрый Пастырь, Глава Церкве и Спаситель тела ея, ко иному,— к небесному Твоему Царствию славы; неизменно ведеши ю и даже до конца доведеши, дондеже вся покориши и спасены предаси Отцу Твоему. Веруем словеси Твоему, яко и врата адова не одолеют ей, на камени недвижимом основанной и . утвержденной. Веруем, яко никия же козни вражии возмогут коснутися благодати и от Тебе исходящия духовныя силы ея. Обаче зряще ныне воздвизаемое от людей гонение на Церковь Твою, Аще и временное и преходящее, зряще ю, аки на распятие ведому, и любяще ю, яко матерь свою духовную, горце уязвляемся, якоже Мати Твоя Пречистая, зрящи Тя, на кресте распинаема, и в сокрушении сердца нашего прибегаем к Тебе, со слезами молящеся.
Ненавидящих и гонящих нас имене Твоего ради — прости, отпусти им, просвети их светом Своего Богоразумия, вразуми их, да и сами к Тебе обратятся и вкупе с нами славят пречестное имя Твое. Аще ли же ни, аще не уверуют в Тя, поне (По крайней мере) да не явятся, яко насильницы душ и совестен наших! Молим о сих, якоже древлии христнане о своих гонителях: обрати их ко благу и укроти ярость их! Не попусти им, Господи, намерения их разруши, покажи силу Твою Божественную и от временных напастей и озлоблений сохрани Церковь Твою.
Воззри, Господи, на немощь нашу, воззри на младенцев в вере, о нихже Сам рекл еси, яко бывши печали, или гонению словесе ради, абие соблазняются. Сих РАДИ немощных и малодушных, да не отступят от Церкве, отжени напасти и умири жизнь нашу.
Всех нас укрепи в вере, исповедании ея и терпении, да готови Будем не токмо еже веровати в Тя, но и еже страдати по Тебе. Аще же что согрешихом пред Тобою, яко чада Церкве хладныя и преслушливыя, прости ны и воспламени сердца нашя во еже крепко, ддже до смерти, любити Тя и Церковь Твою.
Пастырем нашим даждь, Господи, со всяким дерзновением неумолчно глаголати слово Твое во всяком возрасте сущим людем Твоим, и в домех учения невозбранно да слышится евангельское их проповедание.
Да сияет Церковь, яко чистая и непорочная Невеста Твоя, не токмо в духовной силе своей и славе, но и земною красотою святаго селения славы Твоея. Вемы, яко и в скудельных сосудех с преизбыточествующею славою носити можем велие духовное сокровище благодати Твоея, но в показание любве нашей к святыне Твоей, яко человецы, тело носящии и телесныя чувства имущии, хощем достойно честне украшати и самый кивот ея. Отцы наши и мы, грешнии, возлюбльше благолепие дому Твоего и места селения славы Твоея, Твоя от Твоих Тебе принесохом. Тебе принесенная Твоя и да пребудут, и достойне благоукрашенному кивоту святыни Твоея да никакоже коснется святотатственная рука врагов Церкве!
Еще молим Тя, милосердый Господи: Сам возстави стране нашей, Сам учреди правящия мужи, в Тя верующия, верныя чада Церкве Твоея святыя, да их намерения и дела согласуют вышшым целем благодатнаго Царствия Твоего.
Ты во еси державный Глава и утверждение Церкве Твоея и Тебе славу возсылаем со безначальным Твоим Отцем и пресвятым и благим и животворящим Его Духом, ныне и присно и ко веки веков. Аминь.
12 февраля 1918 г
(Центральный Государственных исторический архив г Москвы Ф 421 On 1 Е. х. 7783. Л. 5-8).